Martin Hermannsson og Alba Berlin unnu sinn tíunda leik í röð í dag í þýsku úrvalsdeildinni er liðið lagði Mitteldeutscher, 67-76.
Martin lék um 25 mínútur í leiknum og skilaði á þeim 9 stigum, 2 fráköstum, 6 stoðsendingum og stolnum bolta.
Eftir leikinn sem áður er Alba Berlin í þriðja sæti deildarinnar með 20 sigurleiki, þremur minna en Chemnitz Niners og Bayern Munich sem eru í 1.-2. sætinu.
