Ísland mætir Tyrklandi kl. 13:00 í dag í Sinan Erdem höllinni í Istanbúl í öðrum leik sínum í undankeppni EuroBasket 2025. Fyrir leik dagsins hefur Ísland unnið einn leik, gegn Ungverjalandi síðasta fimmtudag, á meðan að Tyrkland tapaði sínum leik fyrir Ítalíu í Pesaro.
Ljóst var hvaða 12 leikmenn myndu spila leikinn við brottför liðsins frá Keflavík á föstudagsmorgun. Í stað Sigurðar Péturssonar og Kristófers Acox í hóp Íslands koma Hjálmar Stefánsson og Tómas Valur Þrastarson, en Tómas Valur mun leika sinn fyrsta leik fyrir A landsliðið í dag.
Leikur dagsins er kl. 13:00 að íslenskum tíma og verður í beinni útsendingu á RÚV.
Lið Íslands gegn Tyrklandi
Elvar Már Friðriksson · PAOK, Grikklandi · 69
Hilmar Smári Henningsson · Eisbären Bremerhaven, Þýskalandi · 15
Hjálmar Stefánsson · Valur · 21
Jón Axel Guðmundsson · CB Lucentum Alicante · 31
Kristinn Pálsson · Valur · 32
Martin Hermannsson · Alba Berlin, Þýskaland · 74
Orri Gunnarsson · OCS Swans Gmunden, Austurríki · 6
Styrmir Snær Þrastarson · Belfius Mons-Hainaut, Belgíu · 15
Tómas Valur Þrastarson · Þór Þorlákshöfn · Nýliði
Tryggvi Snær Hlinason · Bilbao Basket, Spánn · 64
Þórir Guðmundur Þorbjarnarson · Tindastóll · 28
Ægir Þór Steinarsson · Stjarnan · 86
Þjálfari: Craig Pedersen
Aðstoðarþjálfarar: Baldur Þór Ragnarsson og Pavel Ermolinskij.
