Álftnesingar lögðu Íslandsmeistara Tindastóls í Síkinu í gærkvöldi í 12. umferð Subway deildar karla, 68-80. Eftir leikinn er Álftanes 2.-5. sæti deildarinnar með átta sigra á meðan að Tindastóll er í 6.-7. sætinu með sjö sigra það sem af er tímabili.
Karfan spjallaði við þjálfara Tindastóls Pavel Ermolinskij eftir leik í Síkinu. Pavel sagðist ekki taka tapið gegn Álftanesi sérstaklega inn á sig, en að öllum töpum fylgdi þó alltaf ákveðinn heimsendir.
