Tveir leikir fóru fram í Icelandic Glacial mótinu í dag.
Í fyrri leik dagsins hafði Njarðvík betur gegn Íslandsmeisturum Vals, 102-95. Atkvæðamestur fyrir Njarðvík í leiknum var Dedrick Basile með 18 stig, 3 fráköst og 8 stoðsendingar. Fyrir Val var það Kristófer Acox sem dró vagninn með 23 stigum, 8 fráköstum og 6 stoðsendingum.
Í seinni leik dagsins bar Breiðablik sigurorð af heimamönnum í Þór, 90-105. Everage Lee Richardson atkvæðamestur Blika í leiknum með 31 stig, 7 fráköst og 7 stoðsendingar. Fyrir heimamenn var Alonzo Walker atkvæðamestur með 17 stig og 14 fráköst.
Það sem af er móti hafa bæði Njarðvík og Breiðablik unnið báða leiki sína og mun leikurinn á milli þeirra komandi þriðjudag vera hreinn úrslitaleikur mótsins. Valur og Þór munu einnig mætast sama dag, í leik sem er þá upp á þriðja sætið á mótinu.
