Andri Þór Kristinsson hefur verið ráðinn sem þjálfari meistaraflokks kvenna hjá ÍR.
Andri býr yfir mikilli reynslu og hefur þjálfað víða m.a. lið Hamars, Breiðablik, og Hauka í efstu deild kvenna, en ÍR mun á komandi tímabili leika í fyrstu deildinni.
„Við erum gríðarlega ánægð með að fá Andra til starfa til okkar og hjálpa okkur í þessari skemmtilegu uppbyggingu sem er að eiga stað í Breiðholtinu, það er ekki spurning að reynsla hans mun hjálpa félaginu, bæði við að efla innviðina í félaginu og að hjálpa okkur að taka næsta skref í baráttunni á næsta tímabili“ sagði formaður félagsins er samningar við Andra voru undirritaðir.
