 |
| Besti körfuknattleiksmaður heims og besti knattspyrnumaður heims heilsast |
Steve Nash og knattspyrnugoðið Ronaldinho hittust í Ameríkutúr sem að lið Barcelona var í nú í liðinni viku. Nash mætti á æfingu hjá liðinu á Giants Stadium í New York og tók létt spjall við Ronaldinho eftir æfinguna. "Þetta er einskonar Draumalið og í raun langbesta lið í heimi. Þeir spila mjög skemmtilegan bolta" sagði Nash sem greinilega fylgist vel með knattspyrnunni í Evrópu.
"Við töluðum um það sem karlmenn tala um,en samt ekki konur. Við töluðum um körfubolta,fótbolta og daginn og veginn. Honum finnst karfan skemmtileg og mér finnst fótboltinn mjög heillandi og því varð samtalið nokkuð áhugavert" sagði Nash um samtalið sem á milli þeirra fór.
Í lok æfingar skiptust þeir félagar á treyjum síns eigin liðs. En þess má geta að Ronaldinho kom einni við í NBA búðinni í New York og keypti sér tvo Michael Jordan búninga.
