11:58
{mosimage}
(Ifeoma liggur meidd eftir byltu í Ljónagryfjunni)
Haukakonur urðu í gærdag meistarar meistaranna í kvennakörfuknattleik eftir frækinn 70-48 sigur á ÍS í Ljónagryfjunni í Njarðvík. Sigurinn kom ekki að kostnaðarlausu þar sem Pálína Gunnlaugsdóttir, bakvörður, og bandaríski leikmaðurinn Ifeoma Okonkwo urðu báðar frá að víkja vegna meiðsla sem þær hlutu í 3. leikhluta.
Pálína og Ifeoma meiddust með skömmu millibili og setti það Hauka aðeins á hælana en Íslandsmeistararnir rönkuðu við sér í fjórða leikhluta og kláruðu leikinn af krafti.
„Ragna Margrét missteig sig líka í leiknum en ég geri ráð fyrir því að Pálína mæti á æfingu hjá okkur í kvöld en Ifeoma þarf í sjúkraþjálfun en ég á von á því að þær verði báðar tilbúnar þegar leiktíðin hefst,“ sagði Ágúst Björgvinsson, þjálfari Hauka, í samtali við Víkurfréttir.
Frétt og mynd: www.vikurfrettir.is
