00:37
{mosimage}
Í kvöld mættust á Króknum Tindastóll og ÍR í leik tveggja liða sem hafa verið á
uppleið í síðustu leikjum. Þau voru einnig jöfn að stigum í 7. og 8. sæti með 10
stig hvort, það mátti því búast við jöfnum leik. Byrjunarlið Tindastóls var Lamar,
Gulli, Ísak, Vladimir og Zeko. ÍR byrjaði hinsvegar með Steinar, Hreggvið, Nate,
Eirík og Fannar í byrjun. Leikurinn fór rólega af stað, allavega hvað hittni
varðaði. Vlad skoraði fyrstu körfu leiksins fyrir Stólana, en síðan fylgdu þrjár
þriggja stiga körfur frá ÍR á meðan Gulli setti niður tvö víti. Fyrsti leikhluti
einkenndist af slakri hittni og mikilli baráttu, enda var staðan að honum loknum
14-15.
ÍR-ingar byrjuðu annan leikhluta með smá þriggja stiga sýningu og komu muninum í 8
stig, 19-27. Sá munur hélst lítið breyttur fram í hálfleik og staðan í honum var
36-43. Í öðrum leikhluta fannst leikmönnum Tindastóls dómgæslan heldur farin að
halla á sig og mótmæltu oft kröftuglega. Dómarnir fengu sig svo fullsadda þegar
leikmenn gengu til búningsklefa í hálfleik og Gulli fékk eina tæknivillu fyrir
mótmæli. ÍR menn hittu vel í fyrri hálfleik, sérstaklega úr þristum, en þeir settu 8
slíka niður í hálfleiknum. Stólarnir áttu hinsvegar í erfiðleikum í sókninni, Lamar
náði lítið að slíta sig lausan og aðrir náðu ekki að stíga upp í staðinn.
{mosimage}
ÍR byrjaði síðari hálfleik á að bæta við einu stigi úr víti, en síðan vaknaði Svavar
fyrir Stólana og skoraði 9 stig á rúmum tveimur mínútum, en munurinn minnkaði ekki
að ráði því ÍR-ingar virtust alltaf eiga svör ef Stólarnir virtust ætla að nálgast
þá. Staðan 64-70 eftir þriðja leikhluta og skagfirskir áhorfendur ekkert alltof
bjartsýnir á framhaldið. ÍR hélt sínu striki í loka fjórðungnum og bættu heldur við
forskotið en hitt. Í stöðunni 72-81 fékk Ísak villu á sig fyrir brot sem mönnum
fannst ÍR hafa komist upp með stuttu áður og fannst gæta ósamræmis hjá dómurunum.
Gulli Tindastólsmaður lét eitthvað út úr sér og fékk aðra tæknivillu og var vísað út
úr húsinu með það sama. Við þetta áfall þjöppuðu Tindastólsmenn sér saman og
breyttu stöðunni úr 72-83 í 79-85. Vörnin small saman og Lamar litli var vaknaður
og með 6 vítum á síðustu tveimur mínútunum náði hann að jafna leikinn 85-85 og um 20
sekúndur til leikloka.
{mosimage}
ÍR tók leikhlé og fóru svo í síðustu sóknina. Hreggviður fékk boltann og það var greinilegt að hann átti að klára sóknina með því að sækja á Vlad því teigurinn var hreinsaður fyrir hann. Hreggviður fór hægra megin við hann eins og svo oft áður í leiknum en Vlad náði að trufla svo Hreggviður fékk erfitt skot og náði ekki að hitta, ÍR náði frákastinu en náði ekki að nýta sér það áður en flautan gall. Niðurstaðan eftir venjulegan leiktíma því jöfn, 85-85 og framlenging staðreynd.
Þegar þarna var komið var Ómar Sævarsson ÍR-ingur kominn með 5 villur og Gulli
Stólari ekki meira með heldur eins og áður er getið. Bæði liðin komin með bónus,
enda fór framlengingin mikið fram á vítalínunni.
{mosimage}
Framlenging: Vlad skoraði úr öðru af tveimur vítum 86-85. Hreggviður setti niður
fjögur víti á móti körfu frá Zekovic, staðan 88-89. Steinar bætti við einu stigi úr
tveimur vítatilraunum fyrir ÍR. Síðan fylgdu fjögur víti frá Stólunum sem fóru öll
ofaní og þeir komnir yfir 92-90. Hreggviður jafnaði með tveimur vítum, Lamar skoraði
með skoti, en aftur jafnaði Hreggviður með tveimur vítum, 94-94 og tæpar tvær
mínútur eftir af framlengingunni.
Það hafði fækkað um einn í hvoru liði, Ísak Einarsson Tindastóli og Keith Vassel ÍR voru komnir með 5 villur. Næst skoraði Lamar úr tveimur vítum og einu stökkskoti og munurinn kominn í 4 stig. Taugarnar virtust hinsvegar bresta hjá ÍR, þeir hittu ekki eða misstu boltann. Lamar fékk 4 víti, en hitti aðeins úr einu og staðan 99-94. Þá hitti Eiríkur Önundarson úr þriggja stiga skoti og kom muninum niður í tvö stig og Kiddi tók leikhlé fyrir Tindastól, enda lítið eftir. Eftir hléið var brotið á Zeko og hann setti bæði vítin niður og munurinn aftur 4 stig. Hreggviður reyndi 3ja stiga skot fyrir ÍR sem geigaði,
Stólarnir náðu frákastinu og Steinar braut á Ingva sem fór á vítalínuna fyrir
Tindastól og innsiglaði sigurinn með tveimur vítum, 103-97.
Mjög svo ljúfur sigur fyrir heimamenn sem voru allan leikinn á eftir nema þegar það skipti máli, þeir höfðu yfir 14-13 í fyrsta leikhluta og síðan ekki næst fyrr en í byrjun
framlengingar. ÍR-ingar voru hinsvegar hálf niðurlútir í lokin þegar þeim var ljóst
að þeir höfðu tapað leik sem þeir leiddu eiginlega allan tímann og hefðu með réttu
átt að vinna, en svona eru íþróttirnar stundum eins sést kannski best á íslenska
landsliðinu í handbolta, það er oft stutt á milli hláturs og gráturs í sportinu.
{mosimage}
Stigahæstu menn Tindastóls voru Lamar með 30 stig, Zeko 23 og Svavar með 21. Hjá ÍR
voru það Hreggviður með 30, Nate og Sveinbjörn 15 hvor. Tindastóll er nú kominn með 12 stig í 7. sæti deildarinnar og má segja að falldraugurinn sé kvaddur í bili og sæti í úrslitakeppninni næsta takmark.
Dómarar leiksins voru þeir Kristinn Óskarsson og Halldór Geir Jensson. Gætti stundum
ósamræmis milli dóma hjá þeim að mati heimamanna, en komust þokkalega frá sínu.
Texti: Jóhann Sigmarsson
Myndir: Jóel Þór Árnason
{mosimage}
{mosimage}
{mosimage}
{mosimage}