10:30
{mosimage}
(Dwaynw meiddist í nótt)
Dwyane Wade, einn af lykilleikmönnum meistaraliðs Miami Heat í NBA-deildinni, fór úr axlarlið í nótt í viðureign liðsins gegn Houston Rockets og verður hann frá keppni í einhvern tíma.
Meiðsli leikmanna Miami Heat hafa sett strik í reikninginn hjá félaginu í vetur en Shaquille O'Neal er nýlega byrjaður að leika með liðinu á ný eftir aðgerð á hné og meira að segja þjálfarinn, Pat Riley, hefur þurft að taka sér hvíld frá störfum í vetur vegna aðgerðar á mjöðm. Riley var við stjórnvölinn í nótt en hann hefur ekki verið á hliðarlínunni í leikjum liðsins undanfarnar sjö vikur. Wade og Shane Battier leikmaður Rockets voru í baráttunni um boltann undir körfunni þegar Wade fór úr axlarlið en svo virðist sem að Wada hafi fengið þungt högg á öxlina með þessum afleiðingum. Wade verður ekki með Heat gegn Dallas Mavericks í kvöld.
Frétt af www.mbl.is
