12:25
{mosimage}
Hafdís Helgadóttir hefur tekið þátt í öllum Íslandsmótum í körfubolta frá árinu 1985 eða í 22 Íslandsmótum í röð. Hafdís leikur með ÍS og fyrir leik Stúdína og Hauka í gærkvöldi fékk þessi 42 ára leikmaður sérstaka viðurkenningu en hún bætti leikjametið í 1. deild kvenna í vetur.
Hafdís er líklega eina amman í efstu deild í íslenskum keppnisíþróttum og hefur leikið 335 leiki og skorað í þeim 3.025 stig í deildarkeppninni. Í gærkvöldi fékk Hafdís viðurkenningu fyrir fjórða leik ÍS og Hauka í undanúrslitum Iceland Express deildar kvenna en aðeins fjórir leikmenn Haukaliðsins voru fæddar þegar Hafdís lék sinn fyrsta leik á sama stað, íþróttahúsi Kennaraháskólans, fyrir tæpum 22 árum.
Glæsilegur árangur hjá Hafdísi sem nú með hverjum leik bætir metið enn frekar.
Unnið úr frétt af www.visir.is
Mynd: Sveinn Pálmar Einarsson – [email protected]