16:35
{mosimage}
Haukakonur eru Íslandsmeistarar í Stúlknaflokki eftir 77-70 sigur á stöllum sínum úr Grindavík. Leikurinn var æsispennandi og jafn en Haukar reyndust sterkari á lokasprettinum. Ragna Margrét Brynjarsdóttir var valin besti leikmaður leiksins með 19 stig, 11 fráköst, 5 stolna bolta, 4 stoðsendingar og 3 varin skot.
Haukakonur hófu leikinn mun betur og náðu 10-0 forystu en Grindavík vaknaði af værum blundi og minnkaði muninn í 24-20. Staðan í hálfleik var 38-29 Haukum í vil og Unnur Tara Jónsdóttir komin með þrjár villur í liði Hauka.
Staðan að loknum þriðja leikhluta var 55-49 Haukum í vil en Grindvíkingar komu grimmir til fjórða og síðasta leikhlutans og náðu fljótlega að jafna leikinn í 59-59 og komust síðan yfir í fyrsta sinn í leiknum 63-65.
Lokamínúturnar voru æsispennandi þar sem þær Unnur Tara Jónsdóttir og Ragna Margrét Brynjarsdóttir fengu báðar fimm villur hjá Haukum og urðu frá að víkja. Haukar létu fjarveru miðherja sína ekki á sig fá og höfðu að lokum góðan sjö stiga sigur 77-70 í miklum spennuleik.
Á liðsmyndinni er röðun leikmanna eftirfarandi:
Efri röð frá vinstri
Rannveig Ólafsdóttir, Helena Hólm, Unnur Tara Jónsdóttir, Ragna Margrét Brynjarsdóttir, María Lind Sigurðardóttir, Guðný G. Skjaldardóttir, Una B. Magnúsdóttir
Neðri röð frá vinstri:
Klara Guðmundsdóttir, Kristín Fjóla Reynisdóttir, Heiðrún H. Jónsdóttir, Aldís Pálsdóttir, Bryndís H. Hreinsdóttir, Guðbjörg Sverrisdóttir og Ágúst Björgvinsson.
{mosimage}
(Ragna var valin maður leiksins)
{mosimage}
{mosimage}
{mosimage}
