Yao fær felgur í brúðkaupsgjöf frá Shaq

Shaquille O´Neal er þessa daganna á ferð og flugi um Kína. Þar er hann á vegum eins Li-Ning sem er einn af "sponsorum" kappans. Aðspurður um hvort hann væri boðin í brúðkaup Yao Ming sagðist hann ekki vera með það á hreinu en væri ákveðinn í að gefa risanum í það minnsta brúðkaupsgjöf. "Ég heyrði að Yao væri að giftast gullfallegri körfuknattleiks stúlku. Ef ég fengi að ráða myndi ég gefa honum sér smíðaðar 24 tommu  felgur í brúðkaupsgjöf" sagði hinn 34 ára gamli risi. Mikið er um að NBA kappar séu með bíla sína í einhverri sér hönnun en það eina sem Yao kýs er einkanúmerið Y&Y á BMW 7 bifreið sína sem stendur fyrir Yao og Ye Li (konu hans)