20:45
{mosimage}
Keppni er nú hafin að nýju B deild Evrópukeppninnar. Fyrri umferð keppninnar fór fram fyrir ári síðan og nú í september mun koma í ljós hvaða tvö lið vinna sér rétt í A deildinni að ári.
Eins og kunnugt er leikur Ísland í C riðli ásamt Finnum, Georgíumönnum, Austurríkismönnum og Lúxemborgurum.
Fyrsta umferð haustsins fór fram í gær og sigraði Georgía Lúxemborg á útivelli 88-60 og var Zaza Pachulia stigahæstur ásamt Manuchar Markoishvili með 16 stig. Fyrir Lúxemborg skoraði Martin Rajniak 19 stig.
Í hinum leik riðilsins héldu Finnar sigurgöngu sinni áfram og eru ósigraðir eftir 87-63 sigur á Austurríki í Austurríki. Teemu Rannikko var stigahæstur Finna með 29 stig en Benjamin Ortner var stigahæstur Austurríkismanna með 15 stig.
Finnar hafa því unnið alla 5 leiki sína í riðlinum en Georgía kemur á hæla þeirra með 1 tap.
Mynd: www.fibaeurpoe.com
