20:39
{mosimage}
Yotam Halperin var stigahæstur Ísraela í kvöld með 26 stig
Ísraelsmenn tryggðu sér í kvöld sæti í lokakeppni EM sem hefst á Spáni nú á mánudag. Þeir léku í undankeppni ásamt Makedónum og Bosníumönnum og sigruðu báða leikina. Í kvöld voru það Makedónar sem lágu í valnum 92-87. Þeir leika því í riðli með Serbum, Rússum og Grikkjum í næstu viku.
Þetta er annað skiptið í röð sem Ísraelar komast inn á EM nokkrum dögum fyrir mót en árið 2005 tryggðu þeir sér laust sæti á sama hátt fyrir EM í Serbíu.
Frændur okkar Svíar og Danir voru einnig að keppa á Spáni, við Ungverja um hvert þessara þriggja liða næði að bjarga sér frá falli í B deild að ári. Því miður fyrir frændur okkar voru það Ungverjar sem stóðu uppi sem sigurvegarar svo Ísland gæti dregist gegn Svíþjóð og/eða Danmörku að ári.
Mynd: www.fibaeurope.com
