10:21
{mosimage}
(Íslenskt í eldlínunni í kvöld)
Fastlega má gera ráð fyrir því að það verði einvörðungu íslensku leikmenn Keflavíkur og Þórs sem munu glíma á parketinu í kvöld þar sem erlendu leikmenn Keflavíkur eru ekki komnir til landsins og hjá Þór glíma þeir erlendu við meiðsli.
Keflavík og Þór Akureyri mætast í 1. umferð Poweradebikarkeppninnar í Sláturhúsinu í kvöld kl. 19:15 þar sem Keflavík á titil að verja í keppninni. Von er á þremur erlendum leikmönnum í raðir Keflavíkur á næstunni en þeir koma ekki fyrir leik kvöldsins.
Hjá Þór er Slóveninn Luka Marolt meiddur eftir að hafa farið úr lið á fingri og laskað liðbönd nokkuð illa fyrir vikið. Bandaríkjamaðurinn Cedric Isom verður heldur ekki með Þórsurum í kvöld þar sem hann snéri sig á ökkla í Greifamótinu um síðustu helgi. Hrafn Kristjánsson, þjálfari Þórs, sagði í samtali við Karfan.is að það yrði að koma í ljóst hvort Cedric yrði með eða ekki í Keflavík í kvöld.
