8:14
{mosimage}
Lettar fagna sigrinum
Úrslitin á Evrópumóti kvenna halda áfram að koma á óvart. Eftir frækilegan sigur Þjóðverja á Evrópumeisturum Tékka, töpuðu þær þýsku gegn Tyrklandi í gær 63-76.
Þetta tap Þjóðverja þýðir að þær verða að leggja Letta í síðasta leik til að komast áfram en þær lettnesku hafa verið á mikilli siglingu í milliriðlinum. Tyrkir eru hins vegar komnir í góða stöðu og með sigri á Litháum í síðasta leik eru þær komnar í átta liða úrslitin.
Eins og fyrr segir eru Lettar á mikilli siglingu og í gær unnu þær hið taplausa lið Belga 69-66 og eru því svo gott sem búnar að tryggja sér annað sætið í riðlinum.
Að lokum unnu Tékkar Litháa 75-67.
Tékkar, Lettar og Belgar hafa tryggt sér sæti í átta liða úrslitum.
Í dag fara fram þrír leikir í F riðli.
13:30 Serbía – Ítalía
16:30 Rússland – Hvíta Rússland
19:00 Frakkland – Spánn
Mynd: www.fibaeurope.com
