Baráttujaxlinn Telma B. Fjalarsdóttir leikmaður Hauka og Shannon Elisabeth eru tvífararnir hjá okkur á Karfan.is að þessu sinni. Telma lét fyrst til sín taka í Vesturbænum með KR en frægðarsól Shannon tókst á loft er hún lék skiptinemann undurfagra í unglingamyndinni American Pie.
Merkilegt hvað íslenskt körfuknattleiksfólk er keimlíkt þessari Hollywood-elítu þar sem KR-ingurinn Brynjar Þór Björnsson var síðasti tvífari hjá okkur en honum var líkt við leikfangið hennar Demi Moore, Ashton Kutcher.
Fyrir nokkrum misserum sagði Telma okkur í samtali í 1 á 1 að uppáhalds leikkonan hennar væri Jessica Alba. Vonandi að tvífari hennar í Hollywood, Shannon Elisabeth, komist ekki að því.
