17:41
{mosimage}
Þrír leikir eru á dagskrá í NBA deildinni í nótt og verður leikur Washington Wizards og New Jersey Nets sýndur í beinni útsendingu á NBA TV. Leikurinn hefst kl. 00:30 að íslenskum tíma og fer fram á heimavelli Nets, IZOD Center í New Jersey.
Wizards hafa enn ekki unnið deildarleik þó báðir þeir Gilbert Arenas og Caron Butler séu komnir við fína heilsu og farnir að leika með liðinu. Wizards héldu inn í úrslitakeppnina á síðustu leiktíð án þessara tveggja sterku leikmanna og var þeim sópað umsvifalaust inn í sumarið. Wizards hafa s.s. tapað þremur fyrstu deildarleikjunum sínum í ár og er þetta versta byrjun hjá félaginu á einni leiktíð síðustu 15 árin.
New Jersey eru á öllu betra róli, hafa leikið 4 leiki, unnið 3 og tapað 1. Vince Carter hefur þó ekki verið að finna sig í liði Nets að undanförnu þar sem hann hefur í síðustu fjórum leikjum slegið persónulegt met á sínum leikmannaferli. Hann hefur aðeins 15,3 stig að meðaltali í hverjum leik í þessum leikjum og er það hans versta frammistaða á ferlinum.
Aðrir leikir næturinnar:
Chicago Bulls – Detroit Pistons
Golden State Warriors – Dallas Mavericks