20:15
{mosimage}
Randers Cimbria (4-6) tók á móti Svendborg Rabbits í dönsku úrvalsdeildinni í dag og eftir hörkuleik fór silfurliðið frá síðasta ári heim með sigurinn 76-72. Helgi Freyr lék í 30 mínútur í leiknum og skoraði 7 stig.
Jakob Örn Sigurðarson og félagar í Univer (4-4) lágu á heimavelli 76-83 gegn P.L. Dombóvár eftir jafnan og spennandi leik. Jakob skoraði 11 stig í leiknum auk þess að taka 5 fráköst, stela 4 boltum og gefa 4 stoðsendingar á þeim 37 mínútum sem hann spilaði.
Helena Sverrisdóttir skoraði 5 stig fyrir lið sitt TCU í nótt þegar liðið tapaði á heimavelli gegn California 55-74.
Damon Johnson lék sinn fyrsta leik fyrir nýja liðið sitt Alerta Cantabria í dag þegar liðið tók á móti Ford Burgos. Gestirnir fóru með sigurinn heim 81-74 og var Damon stigahæstur heimamanna með 13 stig.
Halldór Karlsson og félagar í Horsens BC (6-1) töpuðu sínum fyrsta leik í dönsku þriðju deildinni í dag þegar liðið lá á heimavelli fyrir Vejle 2 67-85. Þar með komst Vejle 2 uppfyrir Horsens BC.
Það hvorki gengur né rekur hjá Grétari Guðmundssyni og félögum í Brønshøj (4-6) í dönsku annari deildinni því í dag lá liðið á útivelli gegn Hørsholm 2 66-56.
Kvennalið Harlev (1-3) sigraði sinn fyrsta leik í dönsku annari deildinni á fimmtudag þegar liðið sigraði AB5 á heimavelli 63-46. Gunnur Bjarnadóttir skoraði 11 stig og Guðbjörg Stefánsdóttir 5.
Mynd: [email protected]