14:51
{mosimage}
(Óðinn og félagar í Þór eiga að taka á móti Grindavík í kvöld en væntanlega verður ekki flogið Norður)
Samkvæmt leikskránni á tíundu umferð í Iceland Express deild karla að ljúka í kvöld með tveimur leikjum. Stjarnan mætir Hamri í Ásgarði kl. 19:15 og Þór Akureyri á að taka á móti Grindavík fyrir Norðan einnig kl. 19.15.
Þar sem ofsaveður hefur gengið yfir landið má fastlega gera ráð fyrir því að ekki verði flogið Norður svo líkast til verður ekkert af leik Þórs og Grindavíkur í kvöld.
Þá fer fram einn leikur í 1. deild karla þegar KFÍ tekur á móti Þór Þorlákshöfn en sá leikur á að hefjast kl. 20:00 á Ísafirði. Aftur má fastlega gera ráð fyrir því að leikurinn fyrir Vestan verði felldur niður þar sem ekki er búist við því að verði flugveður.
Tveir leikir fara fram í 1. deild kvenna þegar Þór Akureyri á að fá Snæfell í heimsókn kl. 17 og Njarðvík fær Ármann/Þrótt í heimsókn. Aftur má gera ráð fyrir því að leikurinn á Akureyri verði felldur niður nema ef ske kynni að Snæfellingar hafi farið akandi Norður.
Þá eiga Dalvík og UMFH að mætast á Dalvík í kvöld kl. 20:00 í 2. deild karla en það stendur tæpt líka sökum veðurs.
Fylgist með á www.kki.is með framvindu mála í s.b.v. hvaða leikjum verður frestað og hverjir verða spilaðir.
