11:14
{mosimage}
Breiðablik hafði nauman sigur gegn Ármanni í 1. deild karla í gærkvöldi eftir framlengdan spennuleik í Laugardalshöll. Lokatölur leiksins voru 87-92 Blikum í vil sem reyndust mun sterkari í framlengingunni.
Í stöðunni 5-5 tóku Blikar frumkvæðið í leiknum og leiddu lengsum af. Þegar leikar stóðu 48-58 Blikum í vil bættu Ármenningar við sig snúningi og gerðu 17 stig gegn 1 frá Breiðablik. Þegar svo tvær mínútur voru til leiksloka var staðan 75-69 Ármanni í vil.
Breiðablik heldur í sókn þegar skammt er til leiksloka og brotið er á Rúnari Inga Erlingssyni. Rúnar tekur innkastið af endalínu og finnur Aðalstein Pálsson sem setur niður körfu og jafnar metin í 76-76. Leiktíminn rennur svo út í sandinn og blásið til framlengingar.
Blikar reyndust mun sterkari í framlengingunni og gerðu 10 stig gegn 3 strax í upphafi og fögnuðu að lokum 87-92 sigri og hafa nú unnið 13 leiki í röð í 1. deildinni með 26 stig á toppnum.
Nemanja Sovic lét vel að sér kveða í liði Blika með 36 stig og 6 fráköst en Maurice Ingram gerði 25 stig og tók 17 fráköst hjá Ármanni.
Myndir: Snorri Örn Arnaldsson
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
