15:00
{mosimage}
KR-ingar hafa leikið vel í MB 10 í vetur.
Um helgina verða úrslit í 10 ára flokk minnibolta drengja (fæddir 1997 og síðar). Mótið verður í DHL-höllinni í Vesturbænum. Í vetur var leikið í þremur riðlum í þessum flokki og mættu 14 lið til leiks. Í úrslitunum verða UMFN, Grindavík, Keflavík, Valur og KR.
Sjö lið hafa leikið í a-riðli í vetur. KR hefur unnið 11 leiki og tapað einum, UMFG er með 7 sigra og 5 töp, UMFN er með 5 sigra og 3 töp og Valur er með 2 sigra og 2 töp. Auk þess hafa Fjölnir, Stjarnan og Haukar leikið í a-riðli, en þessi lið töpuðu fleiri leikjum en þau unnu.
Þótt KR hafi leikið best í vetur er ekki sjálfgefið að þeir vinni lokamótið. Þeir hafa átt í basli með gott lið Grindavíkur. Þrír leikir þessara liða hafa verið mjög spennandi í vetur og hefur KR unnið þá samals með 8 stigum. Auk þess hafa lið Vals og UMFN verið að koma sterk inn að undanförnu. Lið Keflavíkur er óskrifað blað þar sem þeir hafa falið sig í b-riðli í vetur. Það stefnir því að allt í mjög spennandi keppni í lokamótinu og a.m.k. fjögur lið eiga góða möguleika á því lenda titli á sunnudaginn.
Það eru nokkrir hlutir sem einkenna bestu liðin í þessum aldursflokki. Þau eru með góða og reynda þjálfara. Margir leikmenn þessara liða eru búnir að æfa og leika körfuknattleik síðan þeir voru 4-6 ára og eru komnir með mjög mikla boltatækni og mikla leikreynslu. Karfan.is hvetur körfuknattleiksáhugamenn til að mæta í DHL-höllina um helgina og sjá þessa ungu leikmenn leika okkar ágætu íþrótt.
Leikjaniðurröðunin er þessi:
Lau. 5.apr.2008 | 13.00 | DHL-Höllin | UMFN – Keflavík | ||
Lau. 5.apr.2008 | 14.00 | DHL-Höllin | KR – Grindavík | ||
Lau. 5.apr.2008 | 15.00 | DHL-Höllin | Valur – Keflavík | ||
Lau. 5.apr.2008 | 16.00 | DHL-Höllin | UMFN – Grindavík | ||
Lau. 5.apr.2008 | 17.00 | DHL-Höllin | KR – Valur | ||
Sun. 6.apr.2008 | 9.00 | DHL-Höllin | Grindavík – Keflavík | ||
Sun. 6.apr.2008 | 10.00 | DHL-Höllin | UMFN – Valur | ||
Sun. 6.apr.2008 | 11.00 | DHL-Höllin | KR – Keflavík | ||
Sun. 6.apr.2008 | 12.00 | DHL-Höllin | Valur – Grindavík | ||
Sun. 6.apr.2008 | 13.00 | DHL-Höllin | KR – UMFN |
Myndin er tekin af heimasíðu KR