17:35
{mosimage}
Karfan.is hafði samband við Benedikt Guðmundsson þjálfara KR og gestaþul hjá Stöð 2 Sport nú þegar vertíðin stendur sem hæst í NBA deildinni. Benedikt lýsir oft leikjum með Baldri Beck og eigum við eflaust eftir að heyra oft í þeim félögum á næstu dögum. Við lögðum nokkrar laufléttar fyrir Benedikt sem sagði að Phil Jackson og Doc Rivers, þjálfarar Lakers og Boston, hefðu ekkert með það að gera hvort liðið yrði NBA meistari. Úrslitin myndu ráðast á háleynilegum bol sem Benedikt klæðist undir skyrtunni í lýsingum en þegar þessi kynlegi kvistur klæðir Benedikt þá tapa Lakers aldrei!
Hvernig leggst rimma Boston og Lakers í þig? Hvað sérð þú í spilunum?
Þessi rimma leggst jafn vel í mig og aðra enda þetta draumaúrslit fyrir ansi marga. Þessi úrslitarimma á eftir að fá mikið áhorf þar sem þessi tvö félög eiga marga stuðningsmenn út um allan heim. Þetta er svona álíka og ef KR og KR bumban mættust í úrslitum IE-deildarinnar þar sem þau lið eiga auðvitað langflesta stuðningsmenn á heimsvísu. Það sem ég sé í spilunum er skemmtileg og virkalega áhugaverð rimma sem enginn má missa af. Það skiptir engu máli hvort fólk sé áhugasamt um þessa frábæru íþróttagrein eða ekki. Þetta er hreinlega heimsviðburður sem enginn vill missa af.
Hvað finnst þér líklegast að muni ráða úrslitum í rimmunni?
Það sem þeir Doc Rivers og Phil Jackson vita ekki er að þeir hafa ekkert með það að gera hvernig þessi rimma fer. Þetta hljómar kannski ótrúlega en það er algjörlega undir mér komið hverjir verða meistarar þetta árið. Lakers hafa aldrei tapað leik í beinni á Stöð2 Sport þegar ég, í ákveðum bol undir skyrtunni, er að lýsa leikjum þeirra. Ég er ekki alltaf í honum þegar Lakers spilar þar sem ég er ekki stuðningsmaður Lakers, enda á ég mér ekkert uppáhaldslið í NBA. Þeir sem eru jafn hjátrúafullir og ég vita hvað ég er að tala um.
Hve miklu máli skiptir heimavöllurinn að þessu sinni? Eru liðin ekki fullfær umað næla sér í útisigra?Bæði lið eru það öflug að þau geta léttilega unnið á útivelli. En engu að síður hefur heimavöllurinn verið mikilvægur í úrslitakeppninni. Boston er loksins farið aðvinna á útivelli eftir smá bras framan af. Lakers hefur sýnt gríðarlegan styrk á útivelli í þessari úrslitakeppni og tala nú ekki um hversu sannfærandi þeir hafa verið á heimavelli. Hvert tap heima er gríðarlega dýrt og því mikilvægt að verja heimavöllinn.
Sérðu einvígið fara í oddaleik?
Ég persónulega vona að við fáum sem flesta leiki af þessu augnakonfekti og það væri frábært að fá 7 leiki. Ég væri meira en til í að hafa þetta einvígi "best of 15" þarsem þetta er svolítið sérstök úrslit þetta árið. Ég skora á David Stern, yfirmann NBA, að taka vel í þá hugmynd mína. Ég veit að hann les Karfan.is reglulega og á eftir að taka vel í þessa hugmynd.
Hverjir verða NBA meistarar?
Ég er ekki búinn að ákveða það ennþá. Fer mikið eftir því hvað maður verður duglegur að henda "Lakersbolnum" góða í þvottavélina. Svo er ég algjörlega opinn fyrir mútum frá stuðningsmönnum þessara liða sem vilja annað hvort borga mér fyrir að mæta í bolnum eða borga mér fyrir að skilja hann eftir.
Mynd: [email protected]
