12:00
{mosimage}
Í kvöld heldur einvígi Roma og Siena í ítölsku deildinni áfram. Nú fara liðin til Rómar þar sem tveir næstu leikir verða leiknir eftir tvo leiki í Siena, sem heimamenn sigruðu báða. Það er því gríðarlega mikilvægt fyrir Jón Arnór og félaga í Roma að ná sigri í kvöld til að halda voninni um sigur í einvíginu lifandi.
Það verður þó á brattann að sækja fyrir heimamenn sem verða að treysta á að hitta á frábæran leik og fylla höllina sem tekur 11 þúsund manns. Andrea Pugliese blaðamaður La Gazzetta dello Sport sagði í samtali við karfan.is að eiga séns þyrfti Roma að fá stig frá Jóni Arnóri og allir leikmenn að leika vörn af sama kappi og hann.
Það er klukkan 21 í kvöld að ítölskum tíma, 19 á Íslandi, sem leikurinn hefst og er hægt að fylgjast með lifandi tölfæði hér.
Mynd: www.virtusroma.it