15:51
{mosimage}
(Heath Sitton)
Njarðvíkingar hafa krækt sér í tvo bakverði sem leika munu með félaginu á næstu leiktíð. Annar þeirra er Slobodan Subasic sem lék með Snæfellingum á síðustu leiktíð. Hinn er Bandaríkjamaðurinn Heath Sitton sem er leikstjórnandi. Þetta staðfesti Jón Júlíus Árnason við Karfan.is í dag.
Sitton lék í Irish Superleague á síðustu leiktíð með 20,2 stig að meðaltali í leik, 4,6 fráköst, 3,4 stoðsendingar og 1,8 stolinn bolta.
Slobodan lék 20 deildarleiki með Snæfellingum í fyrra og varð með þeim bikarmeistari. Í deildinni gerði Subasic 12,3 stig að meðaltali í leik.
Njarðvíkingar mæta því með töluvert breytt lið til leiks á næstu leiktíð rétt eins og mörg fleiri lið í Iceland Express deild karla en miklar hræringar hafa verið á hinum íslenska leikmannamarkaði.
Smellið hér til að sjá frétt um Sitton í Bandarískum fjölmiðli.
Mynd af Heath Sitton: http://www.bransondailynews.com/
{mosimage}
(Slobodan Subasic)