11:47
{mosimage}
Ein breyting hefur verið gerð á íslenska landsliðinu í körfuknattleik sem heldur til Litháen á morgun og mætir Litháum í tveimur æfingaleikjum. Jón Arnór Stefánsson leikmaður ítalska liðsins Lottomatica Roma á ekki heimangengt og hefur Sigurður Ingimundarson valið Finn Magnússon í hans stað en Finnur hefur undanfarin tvö ár leikið í Bandaríkjunum. Þetta kemur fram á mbl.is
Hið geysisterka lið Litháa er að undirbúa sig fyrir Ólympíuleikana og fékk KKÍ boð frá Litháum um að koma út og spila leikina en ferðin er liður í frekara samstarfi á milli landanna.
Fyrri leikurinn verður Kaunas á sunnudaginn og sá síðari í Vilnius á þriðjudaginn en ásamt því að spila mun íslenska landsliðið æfa við bestu aðstæður.
Mynd: www.karfan.is
