6:42
{mosimage}
Axel á sínum yngri árum á heimavelli í Skagafirðinum
Lið Tindastóls sem leikur í Iceland Express deild karla í vetur mun fá liðsstyrk í janúarmánuði. Það er þó ekki í formi erlends leikmanns og er aðeins tímabundið. Axel Kárason mun leika fjóra leiki með liðinu í janúar.
Axel er við nám í dýralækningum í Ungverjalandi en mun vera í fríi í janúar og verður á Íslandi þann tíma og hefur ákveðið að leika með Tindastólsmönnum á meðan.
Hann sagði í samtali við karfan.is að hann hlakkaði mikið til að leika með sínu gamla félagi, enda hvergi betra að vera en í Skagafirði eins og hann orðaði það.
Það er því ljóst að lið Tindastóls verður nokkuð sterkara í janúar en fyrir áramót því Friðrik Hreinsson mun flytja norður um áramót og leika með liðinu.
Mynd: Kári Marísson