Njarðvík hefur framlengt samningi sínum við framherjann Ólaf Helga Jónsson til næstu tveggja ára.
Ólafur Helgi er að upplagi úr Njarðvík og lék á sínum tíma upp alla yngri flokka félagsins. Fyrsti leikur hans með meistaraflokki var árið 2009 og hefur hann verið með Njarðvík síðan, fyrir utan tvö tímabil sem hann var á mála hjá Þór í Þorlákshöfn 2016-18.
Tilkynning:
Njarðvíkingar hafa náð samkomulagi við Ólaf Helga Jónsson um að hann leiki með félaginu næstu tvö árin. Ólafur er þekkt númer í Ljónagryfjunni enda uppalinn þar og á að baki yfir 200 deildarleiki með félaginu.
„Síðasta tímabil var frábært og það er góð stemning í Njarðvík um þessar mundir. Mér finnst þó eins og við eigum óklárað verkefni fyrir höndum og ég vil leggja mitt af mörkum til þess að sigla því verkefni í höfn,“ sagði Ólafur eftir að hafa skrifað undir.
Eins og áður hefur komið fram er Ólafur Helgi með fjölda leikja undir beltinu en hann lék sitt fyrsta tímabil í Ljónagryfjunni árið 2009 og spilaði þá 12 deildarleiki fyrir Njarðvík.
