Gunnar Kristinn Sigurðsson formaður Körfuknattleiksdeildar Stjörnunnar ritar grein á stuðningsmannasíðu félagsins, www.stjarnan-karfa.is undir heitinu: Kani eða ekki kani? Þar spyr Gunnar áleitinna spurninga eins og fyrirsögnin hér að ofan gefur til kynna. Stjarnan tapaði 2-0 gegn Valskonum í úrslitaeinvígi 1. deildar þar sem Valur réð Krystal Ellis til liðs við félagið fyrir úrslitaseríuna.
Við birtum hér bút úr grein Gunnars en greinina í heild sinni má lesa hér:
Ég vil byrja þennan pistil á að óska Valsstúlkum til hamingju með sætið í Iceland Express deildinni að ári, en þær sigruðu okkar stúlkur í Stjörnunni örugglega í úrslitakeppninni í kvöld. Ég vil líka hrósa Stjörnustúlkum fyrir frábæra spilamennsku í vetur, þær hafa verið Stjörnunni til mikils sóma, áttu frábært tímabil í heild sinni og enduðu deildina sem deildarmeistarar. Þær börðust svo sannarlega fyrir sínu í úrslitakeppninni en áttu við ofurefli að etja. Ofurefli kalla ég bandaríska atvinnukonu Vals sem kom hingað til lands fyrir rúmri viku gagngert til að spila 2-3 leiki með Val í úrslitakeppninni. Leikmann sem hefur spilað í sterkri deild í bandarískum háskólakörfubolta og verið einn af bestu leikmönnum síns skóla, eftir því sem ég kemst næst.
Ljósmynd/ Tomasz Kolodziejski – Ellis í leik nr. 1 gegn Stjörnukonum.
Ljósmynd/ Tomasz Kolodziejski – Ellis í leik nr. 1 gegn Stjörnukonum.
