Síðustu tvo daga höfðum við hraðkönnun í gangi hér á Karfan.is og spurðum hvort fólk teldi að Keflavík eða KR myndi vinna oddaleikinn sem fram fór í gærkvöldi. Framan af gærdeginum voru 60% lesenda sem veðjuðu á Keflavík.
Eftir því sem leið á daginn hölluðust fleiri að sigri KR sem síðar varð raunin. Lokatölur í könnuninni voru hnífjafnar, ekki ósvipað spám þeirra spekinga sem tjáðu sig í fjölmiðlum fyrir leikinn. Tæplega 350 manns tóku þátt í könnuninni, 50% bjuggust við sigri KR og 50% við sigri Keflavíkur.
Nú er komin inn ný hraðkönnun, að þessu sinni spyrjum við hvort fólk telji að Keflavíkurkonur verði Íslandsmeistarar í kvöld.
