Eins og fram kemur á heimasíðu Hauka hafa þeir gengið frá ráðningu við tvo erlenda leikmenn fyrir komandi áttök í Iceland Express deild karla.
Í stað þeirra Semaj Inge og Gerald Robinson munu bakvörðurinn Jovonni Shuler og framherjinn Mike Ringgold leika með liðinu á næsta tímabili.
Jovonni Shuler lék með Savannah State Tigers á síðasta ári og með þeim gerði hann 18.1 stig að meðaltali, tók 5.1 frákast og var með 2 stoðsendingar á lokaárinu sína með liðinu. Jovonni er 24 ára, 193 cm og 83 kíló.
Mike Ringgold lék með Rider Broncos á síðasta ári þar sem hann gegndi stöðu fyrirliða á sínu loka ári. Með Broncos skoraði hann 12.1 stig, tók 5.4 fráköst og gaf 2.5 stoðsendingar á lokaári sínu. Mike er einnig 24 ára, 201 cm og er 98 kíló.
