Haukar hafa bætt við sig þriðja erlenda leikmanninum til að styrkja sig fyrir síðari hluta Iceland Express deildarinnar en Haukar leika gegn Snæfelli á fimmtudaginn.
Þetta kemur fram á heimasíðu Hauka
Leikmaðurinn sem um ræðir heitir Aleek Pauline og kemur frá Norfolk State University. Pauline er 24 ára og spilar stöðu leikstjórnanda og á hans loka ári hjá NSU var hann með tæp 9 stig að meðaltali í leik, rúmar 5 stoðsendingar og 4 fráköst.
Pauline kom til landsins í gær og mætti á sína fyrstu æfingu í gærkvöldi.
