Teitur Örlygsson verður áfram með Stjörnuna í úrvalsdeild karla á næstu leiktíð að því er fram kemur í frétt á stuðningsmannasíðu Stjörnunnar, www.stjarnan-karfa.is. Þá hafa þeir Fannar Freyr Helgason, Marvin Valdimarsson, Jovan Zdravevski og Sigurjón Lárusson ákveðið að framlengja við félagið. Bróðir Sigurjóns, Guðjón, ku nú liggja undir feld og velta áframhaldinu fyrir sér.
Þá er Kjartan Atli Kjartansson genginn í raðir Stjörnunnar á nýjan leik og ljóst að ógn Garðbæinga utan við þriggja stiga línuna hefur aukist til muna.
Fleiri og ítarlegri fréttir af Stjörnunni má sjá hér.
