Goðsögnin og þriggja stiga maskínan Larry Bird er 56 ára í dag. Þar sem bæði Boston Celtics og Larry Bird eiga haug af aðdáendum hér á Íslandi var einfaldlega ekki hægt að líta fram hjá þessum degi.
Kevin Seraphin og Al Thornton eiga einnig afmæli í dag en við skulum bara beina sjónum okkar að Larry Bird. Kappinn er fæddur þann 7. desember árið 1956 í West Baden í Indiana í Bandaríkjunum. Bird lék með Springs Valley í miðskóla en í háskóla lék hann með Indiana State University og var valinn sjötti í fyrstu umferð nýliðavalsins árið 1978. Hans frumraun í nBA var þann 12. október árið 1979 og þið þekkið rest.
Bird var tekinn inn í frægðarhöllina árið 1998 og varð þrívegis NBA meistari, 1981, 1984 og 1986. Tvisvar varð hann verðmætasti leikmaður NBA úrslitanna, 1984 og 1986 og listinn heldur áfram svo um munar. Tólf sinnum valinn í stjörnuliðið, þrefaldur þriggja stiga meistari og nýliði ársins árið 1980.
