Lokaumferð Domino´s deildar fyrir jól

Í kvöld fer fram lokaumferðin í Domino´s deild karla, alls eru því sex leikir á dagskránni og hefjast þeir allir kl. 19:15. Þrír af leikjum kvöldsins eru í beinni netútsendingu og verður Sport TV í Borgarnesi með beint frá viðureign Skallagríms og KR. Þá er einn leikur í 1. deild karla þegar Höttur tekur á móti FSu kl. 18:30 á Egilsstöðum.

 

 

Fjölnir – Grindavík

Keflavík – Njarðvík

Snæfell – Þór Þorlákshöfn

 

Ísfirðingar hafa tapað sex síðustu deildarleikjum sínum og eru í 11. sæti um þessar mundir. Stjarnan lá einnig í síðasta deildarleik svo það verða tvö hungruð lið sem mætast á Jakanum í kvöld.

 

Grindvíkingar hafa unnið fjóra síðustu deildarleiki sína og eru á toppnum ásamt Þór Þorlákshöfn og Snæfell með 14 stig. Fjölnismenn unnu epískan sigur á ÍR í síðustu umferð en hafa þó tapað síðustu tveimur heimaleikjum sínum.

 

Eru Stólarnir komnir á bragðið eftir sinn fyrsta deildarsigur í Njarðvík í síðustu umferð? ÍR-ingar máttu sætta sig við súrt tap gegn Fjölni í síðustu umferð og mæta vísast grimmir í Skagafjörðinn í kvöld.

 

Grannaliðin há nú enn eina baráttuna og má fastlega gera ráð fyrir að smekkfullt verði í Toyota-höllinni. Bæði lið sáu á eftir stigum í síðustu umferð svo þau verða ekki með neina vettlinga í kvöld. Hér ætti fólk að mæta tímanlega.

Toppslagur í Hólminum, bæði lið á toppi deildarinnar með 14 stig, Snæfell er heitasta lið landsins um þessar mundir á heimavelli þar sem þeir hafa unnið fimm síðustu heimaleiki sína. Þórsarar hafa að sama skapi uninð tvo síðustu leiki sína á útivelli og alls fimm í röð og eru réttnefndir heitasta lið landsins um þessar mundir en þeir skelltu Keflavík sannfærandi í síðustu umferð. Þess má geta að Þór Þorlákshöfn hefur aldrei unnið deildarleik í efstu deild í Stykkishólmi!

 

Vesturbæingar eru vaknaðir, þeirra tími er liðinn í bikarkeppninni þetta árið en þeir kyngdu þeirri staðreynd með sigri á Stjörnunni í Garðabæ í síðsta leik. Það var jafnframt fyrsta tap Stjörnunnar á heimavelli í vetur. Borgnesingar hafa tapað síðustu fjórum heimaleikjum sínum og eru orðnir langeygir eftir að sterkir menn rífi sig upp úr meiðslum.