Denver í stuði gegn Sacramento

Fjórir leikir fóru fram í NBA deildinni í gær og í nótt. Toronto Raptors nældu sér í sigur gegn Houston, Lakers hafði betur á austurströndinni gegn Philadelphia, Sacramento lá heima gegn Denver og Portland hafði eins stig sigur á New Orleans.

 

Allir liðsmenn Denver skoruðu í leiknum og sex þeirra voru með 11 stig eða meira. Stigahæstur var JaVale McGee með 19 stig og 5 fráköst en hjá Sacramento var Isaiah Thomas með 20 stig og 4 stoðsendingar.

 

Þá var Kobe Bryant í stuði með Lakers og setti persónulegt met þegar hann skoraði 34 stig og tók 16 fráköst en það eru flest fráköst sem hann hefur tekið í einum leik.