Lakasta lið austursins lagði næstbesta lið vestursins

NBA deildin færði okkur athyglisverð úrslit í nótt. Washington Wizards tóku sig þá til og lögðu Oklahoma City Thunder. Þetta var fimmti sigurleikur Washington á tímabilinu og aðeins áttundi tapleikur Oklahoma sem var með besta árangurinn á vesturströndinni fyrir leikinn í nótt en misstu LA Clippers upp fyrir sig fyrir vikið.

 

Lokatölur leiksins voru 101-99 Washington í vil þar sem Bradley Beal og Martell Webster voru báðir með 22 stig í liði Washington. Hjá Oklahoma var Kevin Durant með 29 stig, 7 fráköst og 8 stoðsendingar. Beal reyndist hetja þeirra í höfuðborginni því staðan var jöfn 99-99 þegar heimamenn í Washington héldu inn í sína lokasókn. Beal dobblaði þá tvo varnarmenn Oklahoma upp í loftið og vippaði sér svo í þægilegt teigskot sem söng í netinu þegar 0,3 sekúndur voru eftir og tryggði þannig sínum mönnum sigurinn. Sannkallaði öskubuskuævintýri í Washington í nótt.