Teitur Örlygsson þjálfari Stjörnunnar á afmæli í dag en kappinn fagnar 46 ára afmæli sínu. Teit þarf vart að kynna til sögunnar en hann hefur marga fjöruna sopið í boltanum. Það er allt í bullandi gír hjá kappanum um þessar mundir, Stjarnan í toppbaráttu Domino´s deildarinnar og komin í undanúrslit bikarsins í fyrsta sinn síðan árið 2009 þegar liðið varð síðast bikarmeistari.
Nú hún Alma Rut Garðarsdóttir fyrrum leikmaður kvennaliðs Grindavíkur og yngri landsliða Íslands er 23 ára í dag en hún hefur m.a. alið manninn í Bandaríkjunum við nám síðustu misseri. Haukur Óskarsson leikmaður Hauka á einnig afmæli í dag en skyttan er 22 ára gömul.
Karfan.is óskar Teiti, Hauki og Ölmu innilega til hamingju með daginn.
NBA leikmenn eiga líka afmæli, einn fyrrum leikmaður deildarinnar sem stóð vart úr hnefa en gaf aldrei tommu eftir á afmæli í dag en það er snillingurinn Muggsy Bogues sem er 48 ára.. Michael Beasley á líka afmæli í dag en hann er 24 ára og var valinn inn í NBA deildina árið 2008 af Miami Heat.
Af stórstjörnunum er það að frétta að Richard Nixon fyrrum Bandaríkjaforseti fæddist þennan dag árið 1913 en hann lést árið 1994. Jimmy Page er 68 ára gamall í dag og Catherine hertogynja af Cambridge er 30 ára gömul í dag en flestir þekkja hana sem Kate Middleton.
*Endilega sendu okkur ábendingar um afmælisbörn… og blessaður/blessuð láttu barnamynd eða ,,planking”-mynd fylgja með eða aðra skemmtilega mynd. Lífið er stutt og yndislegt, skemmtum okkur hratt og oft!
