Portland lagði Miami

Þrír leikir fóru fram í NBA deildinni í nótt. Meistarar Miami Heat töpuðu naumlega á útivelli gegn Portland, Dallas lagði Sacramento á útivelli eftir framlengdan leik og New York mátti sætta sig við tap á útivelli gegn Indiana Pacers.

 

Chris Bosh var stigahæstur hjá Miami með 29 stig og 4 fráköst, Wade bætti við 18 stigum og LeBron James gerði 15 á tæpum 43 mínútum sem þykir nú ekki mikið á þeim bænum en við skulum þó gefa kallinum það að enn eina ferðina daðraði hann við þrennuna með 10 fráköst og 9 stoðsendingar. Nicolas Batum var stigahæstur í liði Portland með 28 stig, 7 fráköst og 5 stoðsendingar og LaMarcus Aldridge var með myndarlega tvennu, 20 stig og 15 fráköst. Mario Chalmers fékk svo tækifæri til að stela sigrinum fyrir Miami en þristur hans vildi ekki niður og Portland fagnaði sigri.