Hörður Axel Vilhjálmsson gerði 16 stig á laugardag þegar MBC lagði Fraport Sky í þýsku Bundesligunni. Lokatölur voru 73-65 MBC í vil.
Hörður var í byrjunarliðinu og lék í 24 mínútur í leiknum. Chad Timberlake gerði einnig 16 stig í liði MBC. Hörður var svo einnig með eitt frákast og tvær stoðsendingar.
Eftir sigurinn á laugardag færðist MBC upp töfluna og situr liðið nú í 13. sæti deildarinnar með 8 sigra og 10 tapleiki. Brose Baskets verma sem fyrr toppsæti deildarinnar, hafa unnið 15 leiki og tapað 2.
