Valsmenn hafa skrifað undir samning við tvo nýja leikmenn fyrir átökin í Dominos deild karla á næstu leiktíð. Það eru nafnarnir og bakverðirnir Oddur Birnir Pétursson og Oddur Ólafsson sem bætast í leikmannahóp Vals. Þetta kemur fram í fréttatilkynningu sem Valur sendir frá sér í dag.
Oddur Ólafsson er tvítugur bakvörður uppalinn í Hveragerði og spilaði með Hamri í úrvalsdeild árið 2009-10. Þar þjálfaði Ágúst Björgvinsson, núverandi þjálfari Vals, hann áður en hann hélt til bandaríkjana. þar spilaði hann eitt ár í highschool og eitt og hálft tímabil með Birmingham Southern í háskólaboltanum. Oddur spilaði eftir áramót með Hamri í 1. deildinni þar sem hann átti meðal annars stórleik gegn Val í leik um sætið í efstu deild á nýliðnu tímabili. Oddur hefur leikið með unglingalandsliðum Íslands, U16, U18 og U20.
Oddur Birnir Pétursson er 19 ára bakvörður úr Njarðvík úr afar sigursælum yngriflokkum. Oddur var á öðru ári í meistaraflokk Njarðvíkur go hefur leikið með U16 og U18 landsliðum Íslands.
Myndir: Valur.is
