Eins stigs tap hjá Valladolid

Valladolid mátti fella sig við sáran ósigur í ACB deildinni í gær þegar liðið lá 84-83 á útivelli gegn Rio Natura Monbus. Enn einn leikinn kom Hörður Axel Vilhjálmsson ekki við sögu en þessi vertíð hjá Valladolid fór fyrir margt löngu síðan í vaskinn.

 

 

Hörður Axel hefur einhverra hluta vegna ekki hlotið náð fyrir augum þjálfarateymis Valladolid upp á síðkastið. Valladolid er í botnsæti ACB deildarinnar með 3 sigra og 25 tapleiki. Liðið er í frjálsu falli niður í LEB Gold deildina og mun vafalítið ganga í gegnum mikið breytingaferli í sumrinu rétt eins og síðastliðið sumar.