Íslandsmeistarar Snæfells mega nú sjá á eftir einum af sínum sterkustu leikmönnum því Guðrún Gróa Þorsteinsdóttir mun ekki leika með meisturunum í vetur. Þetta staðfesti Ingi Þór Steinþórsson þjálfari Snæfells við Karfan.is í dag.
Guðrún Gróa er að flytjast búferlum til Danmerkur og skilur eftir sig gat í Snæfells-liðinu upp á 10,4 stig, 7,3 fráköst og 2,6 stoðsendingar að meðaltali í leik en mestur sviðinn hlýtur þó að koma undan varnarleiknum þar sem Gróa er vafalítið einn fremsti varnarmaðurinn í íslenska kvennaboltanum.
Mynd/ Sumarliði
