Þá er biðin á enda! Keppni í Domino´s deild kvenna hefst í kvöld. Heil umferð verður á boðstólunum og hefjast allir leikirnir kl. 19:15.
Íslandsmeistarar Snæfells hefja titilvörnina á stórleik gegn Haukum en liðin léku til úrslita um titilinn á síðustu vertíð þar sem Snæfell landaði fyrsta Íslandsmeistaratitli sínum í kvennaflokki í sögu félagsins. Ríkjandi Lengjubikarmeistarar Keflavíkur fá nýliða Breiðabliks í heimsókn, Reykjavíkurrimma verður í DHL-Höllinni og Grindvíkingar taka á móti Hamri.
Leikir kvöldsins, 19:15:
KR – Valur
Snæfell – Haukar
Keflavík – Breiðablik
Grindavík – Hamar
