Vorum í Garðabæ þegar Der Stern tók á móti Grindverjum. Körfuboltinn sem var spilaður var ekki fallegur eða skemmtilegur hvað það varðar, en sjónarspilið á vellinum var það hins vegar… við erum að tala um að þessi leikur hafði allt nema spennu. Eina spennan var að sjá hver þeirra gulbláklæddu myndi hjóla í Leif dómara fyrst… Það gerðist sem betur fer ekki en nóg annað var um að vera… Óli Óla, gersamlega skítsama um líf og limi allra í húsinu, flaug upp eftir misheppnað skot frá Grindavík og hamraði niður svívirðilegri troðslu beint úr frákastinu. Þessi var c.a. 6,8 á Richter… Hann var hins vegar ekki búinn heldur spjaldaði Dag í einu hraðaupphlaupinu… Dagur smellti svo einni í fasið á Joel Haywood. Sick… Tæknivillurnar hrúguðust inn á Grindjánana og Leifur gerði sér lítið fyrir og henti Jóa Óla í sturtu! Sá dagfarsprúði drengur… Leifur fór á kostum í þessum leik. Sagði við Sverri þjálfara Grind, “Það eru þrír dómarar hérna, og þú ert ekki einn þeirra.” Þú fokkar ekkert í þessu… Grindverjar verða samt að henda þessum Haywood gaur og fá sér einhvern drumb í teyginn. Oddur leysir PG stöðuna betur en þessi Jóel vinur ykkar… Meiðsladraugurinn heldur áfram að elta Stjörnuna. Shouse out í síðustu tveimur leikjum og útlit fyrir að Sæmi verði ekki með á næstunni. Það er stökkt hrökkbrauðið í Garðabænum. Menn að tala um að Voltaren Rapid lyfseðlar fjúki um allar trissur í G-bæ… Talandi um meiðsli þá flaug Óli Óla á hausinn í leiknum gegn Stjörnunni og veinaði út af bakinu á sér. Sjúkraþjálfarinn kom og fór að kyssa á bágtið en Lalli bróðir hans Óla kom líka en hann kveikti hins vegar á hárþurrkunni og lét bróðir sinn heyra það. Sagði honum að drulla sér á fætur og hætta þessu væli. Svo segja þeir að ber sé hver að baki nema bróður eigi. Heyrst hefur að Óli hafi meira að segja þurft morfín eftir þessa byltu… Við segjum það hér með. KR bráðvantar Pavel. Voru í vandræðum með ÍR um tíma í Hellinum og þurftu framlengdan leik til að afgreiða Króksmenn. Sýnir bara hversu mikilvægur hann er liðinu. Þeir strauja allt á meðan hann er með en hiksta dálítið þegar hausinn vantar. En eins og Kiddi Friðriks sagði í Mogganum í dag: Góð lið vinna svona leiki, og það má ekki taka af þeim… Þremil Barja lætur okkur enn bíða eftir fyrstu þrennunni sinni í vetur. Var með 11 fráköst, 9 stoðsendingar og 6 stig gegn Fjölni í gærkvöldi. Hvað er það?! Lengra frá þrennunni í stigaskori en hinum tölfræðiliðunum… Höddi Magg tók Twitter rant á U21 landsliðið í fótbolta um daginn. Tók svo en harðara rant á alla sem reyndu að svara honum. Þar á meðal King Teit Örlygsson…
Hvað er það? Þú skítur ekkert svona yfir Psycho-T! HM hitti samt naglann á höfuðið með eitt, að Teitur mætti tala meira um körfubolta á Twitter en fótbolta. Bara fyrir okkur fanboys… Nema hvað svo hætti Höddinn á Twitter… í nokkra daga.
We OUT like Twitter bindindi Hödda Magg
