Hjálmar Stefánsson hefur framlengt samning sinn við deildar- og bikarmeistara Vals til næstu tveggja ára.
Hjálmar er að upplagi úr Haukum, en hann kom til Vals um mitt tímabil 2020-21 frá Auimisa Carbajosa á Spáni og mun næsta tímabil því vera hans fjórða með félaginu. Síðan að Hjálmar kom til Vals hefur félagið unnið alla titla sem í boði eru, en á síðasta tímabili skilaði hann 8 stigum og 6 fráköstum að meðaltali í leik.
