Framherjinn LaMarcus Aldridge gekk frá hámarks samningi við San Antonio Spurs í dag fyrir næstu 4 árin og $80 milljónir. Aldridge er fæddur í Dallas, Texas og gekk þar í miðskóla og háskóla og því glaður að vera kominn í sitt heimafylki.
Aldridge var forgangsatriði númer eitt hjá Spurs í sumar og sendu þeir meðal annars frá sér miðherjann Tiago Splitter til þess losa um undir launaþakinu fyrir hann. Hann passar fullkomlega inn í leikskipulag Spurs og mun því líklegast hafa þar áhrif strax á fyrsta degi.
Aldridge var með 23,4 stig að meðaltali í leik í fyrra með Portland Trail Blazers og þar að auki 10,2 fráköst. Auk þess er hann meistari í skotum af miðfæri sem er hægt og rólega að deyja út í NBA deildinni.
