Undir 20 ára karlalið Ísland mátti þola nokkuð stórt tap fyrir Frakklandi í dag á Evrópumótinu í Heraklion, 45-110.
Líkt og tölurnar gefa til kynna var leikur dagsins aldrei neitt sérlega spennandi, en atkvæðamestur fyrir Ísland í leiknum var Kristján Fannar Ingólfsson með 11 stig, 1 stoðsendingu og Elías Bjarki Pálsson skilaði 8 stigum, 2 fráköstum og 1 stoðsendingu.
Fyrir leikinn hafði Ísland unnið einn leik og tapað einum, en sökum úrslita í leik Slóveníu og Þýskalands hafna þeir því í þriðja sæti riðils síns.
Næst á dagskrá hjá liðinu eru 16 liða úrslit mótsins, en í þeim mun Ísland mæta Grikklandi komandi miðvikudag 12. júlí.
Upptaka af leiknum
Umfjöllun Körfunnar um íslensku landsliðin er kostuð af Lykil
