8 liða úrslit Eurobasket 2015 hefjast í dag með leik Spánverja og Grikkja en leikur Frakklands og Lettlands fylgir svo fast á eftir.
Spánverjar höfðu sigur á Póllandi, 80-66 í 16 liða úrslitunum en Grikkir sigruðu Belga örugglega 75-54. Pau Gasol hefur verið að leika með spænska liðinu þvert á ráðleggingar lækna liðsins en hann segist muni spila á meðan hann geti það og ætlar að vera með gegn Grikkjum sama hvað það kostar.
Frakkar hins vegar spila á alls oddi í mótinu, eru með fjórða besta stigafjölda í leik (80,5), leiða í fráköstum (41,0) og leyfa fæst stig andstæðinga (64,7).
Leikur Spánar og Grikklands hefst kl. 16:20 í beinni útsendingu á RÚV en leikur Frakklands og Lettlands hefst kl. 18:45 í beinni útsendingu á RÚV2.
Mynd: Pau Gasol í baráttu við Hlyn Bæringsson í riðlakeppni Eurobasket 2015 (Skúli Sig)
