Haukar sigruðu Stjörnuna í Ásgarði í Lengjubikar karla í kvöld, 74-85. Jafnræði hafði verið með liðinum í leiknum en sprettur Haukanna í lok leiks skildi liðin að og tryggði þeim sigurinn.
Kári Jónsson leiddi Haukana með 20 stig, 10 fráköst, 4 stoðsendingar og 2 stolna bolta. Emil Barja átti einnig góðan leik fyrir Hafnarfjarðarliðið með 17 stig og 7 fráköst. Hjá Stjörnunni var það Justin Shouse sem leiddi sína menn með 23 stig, 4 stoðsendingar og 4 stolna bolta. Tómas Þórður Hilmarsson átti einnig góðan leik með 10 stig og 12 fráköst.
Mynd: Kári Jónsson leiddi sína menn til sigurs gegn Stjörnunni í Ásgarði í kvöld. (Axel Finnur)
